Striet üm de Krim: de sünd mall, de Politikers

Karte der KrimNu is dat wedder sowiet: Säbelrasseln, Militär op de Straat stellen un vun Krieg snacken. Dütmal bi Russland direkt blangenan, in de Ukraine, de sülvst geern Liddmaat in de NATO warrn will. Un denn snackt de EU-Politikers wedder vun „territoriale Integrität“ vun de Ukraine. Asterik hett dat al wusst: de sünd mall, de Römers, will seggen: de Politikers.

Dat sünd desülvigen Lüüd, de sünst annere Wöor bruken deit: Demokratie un „Selbstbestimmungsrecht der Völker“. As de Albaner in’n Kosovo nich mehr to Serbien tohören wullen, da weer dat keen Problem. Man jetzt wo de Krim nich mehr to de Ukraine tohören will, dor geiht dat natürlich nich. Wat is de Unnerscheed? Dor is keen Ünnerscheed. De EU-Politikers de steiht jümmers op de Siet vun de Lüud un vun de Länner, de in de EU mitmaken wullt. De Ukraine will dat, tominnst de westliche Deel vun ehr, un Russland will dat nich. Un so warrt denn de niege Regeren vun de Ukraine unnerstütt, bloots wieldat se nich mehr vör Russland is. Un nu hett Russland dor en P vörsett.

Wat meen ik dorto? Leve Lüüd, so geiht dat nich. De Grenz zwischen Russland un de Ukraine, de is bloots en Resultat von histoorschen Tofälligkeiten. Bet 1954 weer de Halfinsel Krim en Deel vun Russland. Chruschtschow hett de an de Ukraine afgeven, to en tiet as dat bloots so wat as de Grenz twischen twee Bunnslännern vun de Sowjetunion weer, Sowjetrepublik hett da heten. Man de mehrsten Luud op de Krim weern Russen.

Dat is nu meist 25 Johr her, dor hett de Ukraine ehr Unafhängigkeit verkloort. Dormit hett sik dat ännert. Nun mutt een de Lüüd fragen, wat se wullt, so is dat nun mal mit de Demokratie. Denn gifft dat en demokraatsch Afstimmen, en Referendum. Un wenn denn de Mehrtall vun de Lüüd vun de Krim will, dat de Krim russisch warrn schall, denn kann se dat warrn.

Mi jedenfalls is dat eendoont, wat dat Stück Land to Russland oder to de Ukraine tohöört. ik will dor bloots keen Striet üm hebben un eerst recht keen Krieg.

Heiko Evermann
März 2014

Bild: Karte der Krim von Maximilian Dörrbecker (Chumwa) [CC BY-SA 2.0], via Wikimedia Commons

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.