Dree Mathematikers gaht na den Dörpskrog

200px-Irish_pubDree Mathematikers gaht na den Dörpskrog. De Kröger fraagt: wüllt ji all wat to drinken hebben?

De eerste Mathematiker antert: Weet ik nich.

De tweete Mathematiker seggt: Weet ik ok nich.

De drüdde seggt jo.

Un wenn ji ok Mathematikers sünd, denn is hier de richtige Steed, üm to lachen… Woso? För de Lüüd, de sik nich to de Mathematikers tellt, un de ok lachen wüllt, schall ik dat verkloren.

De Verkloren

De Kröger hett fragt, wat de Mathematikers ALL wat to drinken hebben wüllt. Un as de Logik dat hebben will, heet ALL för de Mathematikers ALLEMANN. Bi ALL gifft dat keen Utnahm.

De eersten twee Mathematikers

Nu hebbt de ja nich dor över snackt, wat se wüllt. De eerste will wat hebben, man he weet nich, wat de annern wüllt. Un so kann he bloots vertellen, dat he dat nich weten deit, wat se ALL wüllt.

Bi de tweete is dat ok so.

De drüdde Mathematiker

Un de drüdde, de kann sik denn utreken, dat de annern twee wat to drinken hebben wüllt. Un dat geiht so: nehmt wi mal an, de eerste will nix, denn kann he den Kröger ja glieks „nee“ antern. Nee, wi wüllt nich ALL wat to drinken hebben, ik tominnst will nix.

Bi den tweeten is dat ok so.

Dat heet: de eerste un de tweete, de köönt bloots dann „weet ik nich“ seggen, wenn se wat to drinken hebben wüllt.

Un wieldat de drüdde ok wat hebben will, kann he nu för all de Anter geven: Jo, wi wüllt ALL wat hebben.

Denn Prost!

Bild: Public Domain via Wikimedia Commons

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.